raytikmochen

29 avril 2007

mohamad

انت الغلا والشوق والهم والويل ... وفي شوفتك ضيقات صدري طلايق
آمر تدلل واحكم العدل والميل ... لرضاك لوتزعل جميع الخلايق
قل ماتبي عطني جميع التفاصيل ... رايق وجيتك وانت بالحيل رايق
************
قلبي عليك وقلبك على غيري تحاتيه ... وأدور أرضاك ونته لاهي عني
كان الغلا بالقلب تاهت معانيه ... فأنت أول الحب الذي تاه مني
ولا ياحبيب بالغلا كنت مغليه ... بالله أنسى حبيبي ما يذكرك فيني
*************

لاتشتكي للناس لاضاق صدرك .... الناس ماتملك مسره ولا ياس
الناس مثلك حالهم مثل حالـــــك.... والكل من مر الليالي شرب كاس

ولا تحسب انك بالتعاسه لحالك.... اعرف ترى عايش معك بالشقا ناس
***************

ارجي السنين المقبله تنصف الحال ... عقب السنين اللي مضت لي حزينه
مشيت كل دروب الايام رحـــــــال... طال الشقا والحزم طالت سنينه

وكل من نشد ويقول وش هي الاحوال... اجامله بالرد واقول زينه!!

***************

بعض العرب من جور الايام مجروح.... وبعض العرب دله وسالي ومرتاح
مرتاح ماشاف الطباشير واللوح .... ولا راح وقته بين تحضير وصياح

حصه نشاط وبالتعاميم مذبوح .... وبين الاحتياط وبين الاشراف سواح

**************

خزنت لك بالقلب عشره ملايين.... ماهو رصيد فلوس لكن موده
زكاة حبك هي غناة المساكين.... من الساحل الشرقي الى حد جده

بمشي معك والله على العسر واللين .... الموت والمقسوم ماحد يرده

**************

ابيك تدري صوتك العذب لاغاب ....احس نفسي تنكسر من غيابه
كذا غيابك للحزن يفتح ابواب.... غصب علي البس شقاه وثيابه

ادمنت صوتك وأن تثيقلت كذاب .... من يعشقك لاغبت يفقد صوابه

*************

محد يشق القلب من غير تفكير .... حتى الكاتر ترتجف ثم تحتار
الحب يشق القلب من غير تخدير .... ويبني قصور بداخل القلب وانهار

هذي نصيحه قلتها بصدق وتعبير .... وارسلتها للي حافظن كل الأسرار !
*************

لا لاتلوم القلب يوم إنه اغلاك.... وش حيلتي مدام قلبي عصاني
غصب علي قلبي يوديني هناك.... جيت اشتكي لك من عذاب الزماني

ياروح روحي وش حياتي بلياك.... لاشفت زولك ارتبك في مكاني

***********

ان غبت عني تظلم الدار والحي ... وإن غاب غيرك ماعسرني غيابه
أنا بدونك زهره مالها ري.... بين الهشيم وتستغيث بسحابه

مصفره الاوراق مقطوعه الفي ...يبكي لها سيح الشام وهضابه

النار تكوي ضامري كي... والفكر متشتت وفاقد صوابه
***********
أشقيت أنا حالي وضاع حبي وطاريه ... من لوعــتي فارقت حتى ضنـــيني
مالـــــوم أنا حبــــي ولالـــوم ماضيه ... مادام هالفرقى سابقت حتى تجيني
خــلاص ابرحل دام الوفاء ضاع تاليه ... وتـــرك رمـــوز الحــب للي يبيـــــني
***********
ودمـــــــتم بخـــــــير

Posté par mohamad12 à 16:27 - Commentaires [0] - Permalien [#]